رواية الحب يعشق الصدف الفصل العاشر 10 بقلم رحمه محمد
#الحب يعشق الصدفالبارت 10
..: جيييت
مامت مراد ببتسامه وفرحه: جاسر حبيبي وحشتني يواد
جاسر بيتسامه وقرب حضنها: وانتي كمان ي ست الكل وحشتيني اوي
مامت مراد: حمدلله علي سلامتك ي حبيبي
جاسر ببتسامه: الله يسلمك (وبص لليلي وكمل بهمس) مين المزه دي
مامت مراد بنفس الهمس ومسكته من ودانه: اتلم يواد
جاسر بالم: خلاص حاضر حاضر
وضحكوا الاتنين
ليلي ببتسامه: بعد اذنكوا
وسبتهم وخرجت من الاوضه
ولاء بتفكير: ايوا سمعتو بيقول كامل الصياد
مراد قام فجاه وقرب منها
مراد وهو باصص ليها بغل : امشي
ولاء فرحت: بجد ي بيه امشي
مراد ببرود: مش قصدي تمشي كدا (وشاور علي الباب) قصدي تمشي كدا (شاور علي السجاده الي كلها ازاز)
ولاء الفرحه الي كانت علي وشها تلاشت ورجعت تاني تعيط: سبني ي بيه ونبي وانا اوعدك مش هخليك تشوف وشي تاني
مراد بغضب وجز علي سنانه : امشي
عمرو واقف وبقا خايف من مراد وشكله الي تحول وعيونه الي بقت كلها اسود: استر يارب
ولاء مكنش قدمها حل غير انها تنفذ الي مراد بيقول عليه وكل ما تمشي خطوه تصرخ اكتر من المره الي قبلها وبتحاول متقعش لان كل الازاز هيدخل جسمها لغايت ما اخيرا عدت السجاده
مراد: خلاص كدا وصلتي بر الامان اقعدي علي الكرسي
الاء بدموع وصوت عياطها عالي قعدت علي الكرسي
مراد قرب منها وبقا وشه في وشها وتكلم بصوت ملي غضب : دلوقتي تقدري تنفذي وعدك ومشفكيش قدامي تاني ولو حتي صدفه صدقيني مش هرحمك
ولف عشان يمشي رجع ليها تاني: انا سبتك عشان ولدتك ملهاش حد غيرك اشكريها لولها كان زمانك ميته
ومشي هو وعمرو وركبو العربيه
عمرو بصلو: هتعمل اي
مراد بخبث : هتشوف دلوقتي
عمرو بلع ريقه بخوف: الله يستر من دماغك
وبعد دقايق كانو قدام القصر واول ما دخلو سمعو صوت ضحك خارج من اوضه مامت مراد
عمرو اول ما سمع الصوت عرفه وجري علي الاوضه
ومراد فضل واقف بيفكر في حاجه وبعدها مشي
عمرو بفرحه: جاسر
جاسر قام وحضنه: وحشني ياض
عمرو بصوت نسائى: وهو انا لو كنت وحشتك كنت اتاخرت دا كله يوحش
مامت مراد بضحك: اه لو مامتك موجوده دلوقتى وسمعتك كانت طختك عيارين جابت اجبلك
عمرو وجاسر ضحكوا جامد وكملو كلامهم
عند ليلي كانت واقفه قدام المرايه بتسرح شعرها وسرحانه في مراد لما راحت الجناح بتاعه عشان تاخد تليفونها ولما شفته اول مره وخدها المستشفى وابتسمت ولما بصت في المرايا صرخه
ليلي بصت وراها بسرعه: عااااااا يخربيتك
مراد ابتسم من رد فعلها بس اتصدم من كلمة يخربيتك : ايي
ليلي انتبهت للكلمه : قصدي يخربيت حضرتك
مراد بصلها بغضب
ليلي: يووووه مش، قصدي انا
فجاه سكتت لما لقت مراد بيضحك بصتلو بسرحان
مراد انتبه ليها: احممم كنت جاي اشوفك مشيتي ولا لا
ليلي بيتسامه: همشي دلوقتي.. وحمدلله علي سلامة مامتك
مراد ولاول مره يبتسم في وشها: الله يسلمك.. السواق برا هيوصلك
ليلي: لا متتعبش نفسك انا همشي
مراد: مبحبش اعيد كلامي (ومشي نحيت الباب ووقف تاني وضهره لليلي) شكرا
وكمل مشي
ليلي ابتسمت بغباء : اي دا دا قالي شكرا وبيضحك
مراد سمعها وابتسم ابتسامه ظهرت بجانب شفايفه وراح اوضه مامته وسلم علي جاسر
(جاسر يبقا صاحب مراد وعمرو اوي.. كان عايش في تركيا بقاله سنتين ولسه راجع)
وبعد فتره باب الاوضه بتاعت مامت مراد خبط ودخلت ليلي
ليلي ببتسامه: جيت اسلم علي حضرتك قبل ما امشي
جاسر بصلها وهمس لعمرو: برضو محدش قالي مين المزه دي
عمرو ضحك : يبني احترم نفسك بقا دي الدكتوره الي اهتمت ب ماما
مامت مراد حست بحزن: بالسرعه دي
ليلي ببتسامه وقربت منها ومسكت ايديها: حضرتك بقيتي كويسه اهو ونا لازم امشي عشان شغلي كمان
مامت مراد بحزن ظاهر ومراد خد باله من كدا: طب ابقي تعالي ليا علطول انا اعتبرتك زي بنتي
ليلي ببتسامه: عيوني ي جميل انت
مامت مراد ضحكت: تسلم عيونك ي بنتي
ليلي: باي
وبعد ما طلعت من الاوضه مامت مراد بحزن: يلا اطلعو برا عايزه انام
جاسر وعمرو طلعو ومراد فضل باصص لمامته لما لقه دموعها بتنزل عرف انها افتكرت سلمي وان ليلي فكرتها بيها لقي نفسه خارج من الاوضه بسرعه وطلع من القصر لقي ليلي هتخرج من بوابه القصر راح نحيتها
مراد بصوت عالي: ليلي
ليلي التفت ليه: نعم
مراد من غير تردد: تتجوزيني
عشق ببتسامه: سيف انا مش مصدقه ان النهارده خطوبتنا
سيف ساب التليفون وبص ليها ببتسامه: الف مبروك عليا انتي
ومسك ايديها وباسها بحب
عشق اتكسفت: طب يلا نروح نجيب الفستان
عشق وسيف كانو مشيين في المول بيجهزو لخطوبتهم بلليل
وبعد لف كتير عشان عشق يعجبها فستان واخيرا لقت فستان سهره اسود وبيلمع ضيق لغايت الوسط ومنفوش للاخر بكم وشفاف من عند كتفها
سيف: اسود ي عشق اسود
عشق: ماله الاسود مش انت هتلبس بدله سوده
سيف بستغراب: ايوا بس..
قطعته عشق: يعني عايز تسود حياتي وانا مسودلكش حياتك
سيف ضحك: والله مجنونه
وشترو ولسه هيمشو
...: عشق ي عشقققق
.........
#يتبع
#بقلمي رحمه محمد
